კონფიდენციალურობის პოლიტიკა

შესავალი

• დავიცავთ თქვენი მონაცემების კონფიდენციალურობას;
• არ გამოვიყენებთ თქვენს მონაცემებს უკანონოდ;
• თქვენი მოთხოვნის შესაბამისად, მოგაწვდით სრულ და დეტალურ ინფორმაციას თქვენი პერსონალური მონაცემების დამუშავებასთან დაკავშირებით.

აღნიშნული დოკუმენტით გვსურს გაგიზიაროთ რა პრინციპების შესაბამისად, რა საფუძვლებითა და მიზნებით მოვიპოვებთ და ვამუშავებთ თქვენს პერსონალურ მონაცემებს, ასევე რა სამართლებრივი და ტექნიკური საშუალებებით ვიცავთ მათ. წინამდებარე დოკუმენტით შეგიძლიათ მიიღოთ ინფორმაცია თქვენი უფლებებისა და მათი დაცვის საშუალებების შესახებ.

რეგისტრაციით თქვენ გამოხატავთ თანხმობას, რომ პერსონალური მონაცემები დამუშავდეს წინამდებარე პოლიტიკის შესაბამისად.

პოლიტიკის მიზანი

წინამდებარე დოკუმენტით გაგიზიარებთ ინფორმაციას ყველა იმ პრინციპის შესახებ, რომლითაც ვხელმძღვანელობთ თქვენი პერსონალური მონაცემების დამუშავებისას. ასევე, გაგაცნობთ, თუ როგორ გიცავთ კანონი და მოგაწვდით დეტალურ ინფორმაციას იმის შესახებ, თუ რა ტიპის პერსონალურ მონაცემებს აგროვებს ზემოხსენებული საზოგადოება საქმიანი ურთიერთობის დამყარებისას და როგორ ხდება ამ მონაცემების გამოყენება, მათ შორის, პირდაპირი მარკეტინგის მიზნებისთვის.

რა შემთხვევაში მუშავდება თქვენი პერსონალური მონაცემები

• გაცხადებული გაქვთ თანხმობა მონაცემთა ერთი ან რამდენიმე კონკრეტული მიზნით დამუშავებაზე;
• მონაცემთა დამუშავება აუცილებელია ჩვენ შორის დადებული გარიგებით ნაკისრი ვალდებულების შესასრულებლად, ან თქვენი მოთხოვნით გარიგების დასადებად;
• მონაცემთა დამუშავება გათვალისწინებულია კანონით;
• მონაცემთა დამუშავება საჭიროა კანონმდებლობით/რეგულაციებით ჩვენთვის დაკისრებული მოვალეობების შესასრულებლად;
• კანონის თანახმად, თქვენი მონაცემი საჯაროდ ხელმისაწვდომია, ან თუ თქვენი მონაცემები საჯაროდ ხელმისაწვდომი გახადეთ;
• მონაცემთა დამუშავება აუცილებელია მნიშვნელოვანი საჯარო ინტერესის დასაცავად;
• მონაცემთა დამუშავება აუცილებელია თქვენი განცხადების განსახილველად (მომსახურების გასაწევად);
• მონაცემთა დამუშავება ეფუძნება კანონით გათვალისწინებულ სხვა საფუძვლებს.

როგორ ვაგროვებთ თქვენს მონაცემებს

ჩვენთვის თქვენი მონაცემების მიღების წყაროა:

• თქვენ მიერ ელ. პლატფორმაზე რეგისტრაცია/ავტორიზაცია;
• მომსახურებისა და პროდუქტის მიღების მიზნით თქვენი მომართვა (მათ შორის, სატელეფონო კომუნიკაცია, ელექტრონული მომართვა და სხვ.);
• თქვენ მიერ ჩვენი მომსახურებით/პროდუქტებით სარგებლობა;
• ჩვენი დისტანციური არხებით სარგებლობა;
• თქვენს შესახებ ინფორმაციას ვიღებთ აგრეთვე საჯარო წყაროებიდან და მესამე პირებისგან, შესაბამისი სამართლებრივი საფუძვლის არსებობისას.

რა სახის ინფორმაციას ვამუშავებთ თქვენს შესახებ?

მომსახურების გაწევისას თქვენთან ურთიერთობის ხასიათიდან გამომდინარე, ჩვენ მიერ დამუშავებული ინფორმაცია შეიძლება მოიცავდეს შემდეგი კატეგორიის მონაცემებს მათი დამუშავების მიზნის პროპორციული მოცულობით:

• მაიდენტიფიცირებელი მონაცემები
  • სახელი, გვარი, დაბადების თარიღი, პირადი ნომერი.
• საკონტაქტო ინფორმაცია
  • მისამართი (იურიდიული და ფაქტობრივი), ელექტრონული ფოსტა, ტელეფონის ნომერი და სხვა.
• საბანკო ინფორმაცია
  • საბანკო ანგარიშის ნომერი და ბარათის დეტალები/მონაცემები, რომლებიც აუცილებელია შესაბამისი მომსახურების გაწევისთვის.
• ტექნოლოგიური მოწყობილობის შესახებ მონაცემები
  • IP მისამართი, მზა ჩანაწერები (cookies), IMEI კოდი, აპლიკაციის ლოგები, ქცევითი მონაცემები, ინფორმაცია ადგილმდებარეობის შესახებ და სხვა.
• ჩანაწერები
  • აუდიო ჩანაწერები (ნებაყოფლობით გაცხადებული თანხმობის შემთხვევაში).
• კომუნიკაციისას მოპოვებული მონაცემები
  • ელექტრონული ფოსტით, სატელეფონო გზით, ჩათის, სოციალური მედიის ან სხვა საკომუნიკაციო არხის საშუალებით მოპოვებული მონაცემები.
• საჯარო მონაცემები
  • საჯარო წყაროებიდან მოპოვებული ინფორმაცია.
• ტრანზაქციების ისტორია
  • მომხმარებლის მიერ შეძენილი პროდუქტები, გადახდილი თანხა, გადახდის მეთოდი, შეკვეთის თარიღი და სტატუსი.
• მიწოდების (საკურიერო) მონაცემები
  • მიმღები პირის სახელი, გვარი, ზუსტი მისამართი (სადარბაზო, სართული, ბინის ნომერი), საკონტაქტო ტელეფონი.

ასევე, სხვა არასავალდებულო/ნებაყოფლობითი ინფორმაცია, რომელსაც გადმოგვცემთ სხვადასხვა მომსახურების ფარგლებში.

არასრულწლოვნების პერსონალური მონაცემები

ჩვენი ვებგვერდი და მომსახურება არ არის განკუთვნილი 16 წლამდე ასაკის პირებისთვის. ჩვენ შეგნებულად არ ვაგროვებთ და არ ვამუშავებთ 16 წლამდე პირთა მონაცემებს კანონიერი წარმომადგენლის (მშობლის/მეურვის) თანხმობის გარეშე. თუ აღმოაჩენთ, რომ არასრულწლოვანმა მოგვაწოდა მონაცემები, გთხოვთ, დაგვიკავშირდეთ მათ წასაშლელად.

მზა ჩანაწერები (Cookies)

ჩვენ ვცდილობთ ჩვენს ვებგვერდზე ყოფნისას მუდმივად გაგიუმჯობესოთ მომსახურების ხარისხი და გამოცდილება და დავიცვათ თქვენი უსაფრთხოება. შესაბამისად, ჩვენი ვებგვერდითა და სხვა დისტანციური პლატფორმებით სარგებლობისას ვაგროვებთ ე.წ. მზა ჩანაწერებს თქვენს შესახებ. მზა ჩანაწერები (cookies) გამოიყენება ვებგვერდითა და სხვა დისტანციური პლატფორმებით სარგებლობისას თქვენი გამოცდილების პერსონალიზირების, გაუმჯობესებისა და უსაფრთხოების დაცვის მიზნით. კერძოდ, ნავიგაციის გამარტივების, ინფორმაციის სასურველი ფორმატით შეთავაზების, ძებნის პარამეტრების გაუმჯობესების, მომხმარებლის უსაფრთხო ავტორიზაციის, მარკეტინგის, ვებგვერდების დიზაინის ოპტიმიზაციისა და მომხმარებლისთვის უკეთესად ადაპტირების მიზნებით.

მზა ჩანაწერების მეშვეობით ვადგენთ ოპერაციული სისტემის ვერსიას, მოწყობილობის მოდელსა და მოწყობილობის სხვა უნიკალურ იდენტიფიკატორებს, ვებგვერდებზე გატარებული დროის ხანგრძლივობას, გახსნილი გვერდების შესახებ ინფორმაციას, ონლაინ ნავიგაციის ისტორიას, ბრაუზერის შესახებ ინფორმაციას, ინფორმაციას იმ ქმედებების შესახებ, რომელიც ჩვენს ვებგვერდზე განხორციელდა, რა გეოლოკაციიდან განახორციელეთ წვდომა და რა ენაზე გაეცანით ინფორმაციას. ვცდილობთ გავიგოთ, თუ როგორ იყენებთ ჩვენს ვებგვერდს.

რა მიზნით ვამუშავებთ თქვენს მონაცემებს?

ჩვენ ვამუშავებთ თქვენს მონაცემებს მხოლოდ კანონიერი მიზნებისთვის და მათი შესაბამისი მოცულობით. საზოგადოების მიერ მონაცემების დამუშავება შესაძლებელია განხორციელდეს სხვადასხვა მიზნით, მათ შორის:

• მომსახურების გასაწევად (მათ შორის, შეკვეთის დამუშავებისთვის, მისი მოტანისთვის და სხვ.);
• მომსახურების შეთავაზებისა და გაუმჯობესებისთვის, რაც, მათ შორის, გულისხმობს შეკვეთების, შენახული (მოწონებული) და კალათაში დამატებული პროდუქტების ანალიზს, სტატისტიკური მონაცემების ანალიზს, მომხმარებელთა ქცევას და სხვ.;
• კანონმდებლობით დადგენილ შემთხვევებში და წესით მარეგულირებლის ან სხვა საზედამხედველო ორგანოსა და აუდიტორული კომპანიებისთვის მონაცემების ხელმისაწვდომობისთვის;
• პროდუქტებისა და მომსახურების განვითარებისთვის/გაუმჯობესებისთვის;
• მონაცემთა უსაფრთხოების უზრუნველსაყოფად;
• ჩვენი კანონისმიერი ვალდებულებების შესასრულებლად;
• ჩვენი სისტემების არასათანადო გამოყენებისა და დანაშაულის პრევენციისთვის;
• შესაბამისი კორესპონდენციის/შეტყობინების გაგზავნის/ჩაბარების მიზნით;
• ხელშეკრულებით ნაკისრი ვალდებულებების სრულად და ჯეროვნად შესრულების ან/და თქვენ მიერ ნაკისრი ვალდებულებების შესრულების მონიტორინგის მიზნით;
• მარკეტინგული მიზნით, რაც გულისხმობს თქვენი მკაფიო და განცხადებული თანხმობის შესაბამისად ჩვენი სხვადასხვა პროდუქტის/მომსახურების პერიოდულ შეთავაზებას, მარკეტინგული აქტივობების შემუშავებას/დაგეგმვას;
• თქვენგან უკუკავშირის მიღებისა და პრეტენზიებზე რეაგირებისთვის.

პერსონალურ მონაცემთა დამუშავების საფუძვლები

ჩვენ მიერ თქვენი მონაცემების დამუშავების საფუძველია:

• თქვენი ნებაყოფლობითი თანხმობა მონაცემთა დამუშავების თაობაზე;
• თქვენთან ხელშეკრულების დასადებად ან არსებული ხელშეკრულების შესასრულებლად მონაცემთა დაცვის აუცილებლობა;
• თქვენთვის მომსახურების გასაწევად/განცხადების განსახილველად მონაცემთა დამუშავების საჭიროება;
• კანონმდებლობით გათვალისწინებული ვალდებულებები.

რა შემთხვევაში ვუზიარებთ თქვენს მონაცემებს მესამე პირებს?

კანონმდებლობით ან ხელშეკრულებით ნაკისრი ვალდებულების შესასრულებლად, შესაბამისი სამართლებრივი საფუძვლის არსებობისას, თქვენი მონაცემები შესაძლოა გავუზიაროთ:

• თქვენს წარმომადგენელს/კანონიერ წარმომადგენელს;
• გარიგების მონაწილე მხარეებს;
• კანონმდებლობით განსაზღვრულ ორგანოებს;
• მომსახურების პროვაიდერებს — მათ შორის და არამხოლოდ: აუდიტორებს, საკურიერო ან/და კვლევით ორგანიზაციებს, IT სერვისის მომწოდებლებს (მაგ. ღრუბლოვანი ინფრასტრუქტურის სერვისები), პირებს, რომლებიც გვიწევენ მარკეტინგულ მომსახურებებს, ან/და სხვა ნებისმიერი მსგავსი ფუნქციის მქონე პირებს;
• სხვა მესამე პირს თქვენი თანხმობით.

ჩვენ შესაძლოა თქვენი მონაცემები გავაზიაროთ სხვა სახელმწიფოში, თუ არსებობს მონაცემთა დამუშავების „პერსონალურ მონაცემთა დაცვის შესახებ" საქართველოს კანონით გათვალისწინებული საფუძვლები და შესაბამის სახელმწიფოში უზრუნველყოფილია მონაცემთა დაცვისა და მონაცემთა სუბიექტის უფლებების დაცვის სათანადო გარანტიები.

თქვენი მონაცემების სათანადოდ დაცვის მიზნით, მესამე მხარისთვის თქვენი პერსონალური მონაცემების გადაცემამდე ჩვენ ვამოწმებთ, მათ მიერ მიღებულია თუ არა მონაცემთა დასაცავად შესაბამისი ორგანიზაციული და ტექნიკური ზომები.

თქვენ უფლება გაქვთ

• მიიღოთ ინფორმაცია თქვენ შესახებ დამუშავებული მონაცემების თაობაზე, კერძოდ, რა მონაცემები მუშავდება, რა არის მათი დამუშავების მიზანი და სამართლებრივი საფუძველი, ინფორმაცია მონაცემთა შეგროვების წყაროსა და მონაცემთა გადაცემის შესახებ;
• გაეცნოთ თქვენ შესახებ საზოგადოებაში დაცულ მონაცემებს და მიიღოთ თქვენი პერსონალური მონაცემების შემცველი დოკუმენტების/ჩანაწერების ასლები;
• მოითხოვოთ მცდარი, არაზუსტი ან/და არასრული მონაცემების გასწორება, განახლება ან/და შევსება;
• მოითხოვოთ მონაცემთა დამუშავების შეწყვეტა, წაშლა ან განადგურება, თუ:
  • გამოითხოვთ თანხმობას, რომელიც წარმოადგენს მონაცემთა დამუშავების ერთადერთ საფუძველს;
  • მონაცემების დამუშავება აღარ არის საჭირო იმ მიზნისთვის, რომლისთვისაც მოხდა მათი დამუშავება;
  • მონაცემთა დამუშავება ხდება უკანონოდ.
• მოითხოვოთ მონაცემთა დაბლოკვა, თუ:
  • სადავოა მონაცემთა ნამდვილობა ან სიზუსტე;
  • მონაცემთა დამუშავება უკანონოა, თუმცა თქვენ არ გსურთ მათი წაშლა და ითხოვთ მხოლოდ მათ დაბლოკვას;
  • მონაცემები აღარ არის საჭირო მათი დამუშავების მიზნის მისაღწევად, თუმცა თქვენ ისინი გესაჭიროებათ სამართალწარმოების მიზნით;
  • მიმდინარეობს მონაცემთა დამუშავების შეწყვეტის, წაშლის ან განადგურების მოთხოვნის განხილვა;
  • არსებობს მონაცემების მტკიცებულებად გამოყენების მიზნით შენახვის აუცილებლობა.
• ნებისმიერ დროს გამოითხოვოთ თანხმობა და მოითხოვოთ მის საფუძველზე დამუშავებული მონაცემების წაშლა. ჩვენ შევწყვეტთ მონაცემთა დამუშავებას და წავშლით უკვე დამუშავებულ მონაცემებს, თუ არ არსებობს მონაცემთა დამუშავების კანონმდებლობით გათვალისწინებული სხვა საფუძველი;
• თუ მონაცემთა დამუშავების საფუძველს წარმოადგენს თქვენი თანხმობა და ეს ტექნიკურად შესაძლებელია, მოითხოვოთ თქვენ მიერ საზოგადოებისთვის მიწოდებული პერსონალური მონაცემების პორტირება, ანუ სტრუქტურიზებული, გამოყენებადი და ელექტრონული ფორმით მიღება ან მათი სხვა დამმუშავებლისთვის გადაცემა;
• თქვენი უფლებების დარღვევის შემთხვევაში მიმართოთ საზოგადოების პერსონალურ მონაცემთა დაცვის ოფიცერს, სახელმწიფო აუდიტის სამსახურს ან/და სასამართლოს.

მონაცემთა უსაფრთხოების დაცვა

თქვენ შესახებ დამუშავებულ მონაცემებს ჩვენ კანონმდებლობის მოთხოვნათა დაცვით ვინახავთ. ჩვენ უზრუნველვყოფთ ფიზიკურ, ტექნიკურ და ორგანიზაციულ გარანტიებს თქვენი მონაცემების დასაცავად. ჩვენ ვიცავთ ჩვენი ელექტრონული მოწყობილობების, ფაილებისა და შენობის უსაფრთხოებას. ასევე გვაქვს ფიზიკური, ელექტრონული და პროცედურული კონტროლის მექანიზმები, რათა დავიცვათ თქვენი მონაცემები არაავტორიზებული წვდომისგან, გამოყენებისგან, გადაცემისგან, დაკარგვისგან ან განადგურებისგან.

ჩვენი თანამშრომლები იცავენ მონაცემთა კონფიდენციალურობისა და უსაფრთხოების პოლიტიკებსა და პროცედურებს კანონმდებლობისა და შიდა ორგანიზაციული დოკუმენტების შესაბამისად.

მიუხედავად იმისა, რომ ინფორმაციული უსაფრთხოების მიზნით ვიღებთ ყველა საჭირო ზომას, სწრაფი ტექნოლოგიური განვითარების პირობებში არ ვიღებთ პასუხისმგებლობას იმ პირების ქმედებებზე, რომლებიც ახორციელებენ არასანქცირებულ წვდომას, ბოროტად იყენებენ ან ტეხავენ სერვისებს. ჩვენ არ ვიძლევით აშკარა, ნაგულისხმევ ან სხვაგვარ გარანტიას, გარდა იმისა, რომ მივიღებთ ყველა ზომას ამგვარი შეღწევის პრევენციისთვის.

მონაცემთა შენახვის ვადა

ჩვენ თქვენს მონაცემებს ვინახავთ:

• მომსახურების მთელი პერიოდის განმავლობაში და მომსახურების დასრულების შემდეგ 4 (ოთხი) წლის განმავლობაში;
• ან ვადით, რაც აუცილებელია დამუშავების კონკრეტული მიზნის მისაღწევად, დადგენილია მომსახურების გაწევის ფარგლებში ან/და ხელშეკრულებაში.

ცვლილებები

დროთა განმავლობაში შესაძლებელია საჭირო გახდეს წინამდებარე პოლიტიკის ცვლილება. ცვლილებების შეტანის შემთხვევაში ჩვენ გამოვაქვეყნებთ ამ ცვლილებებს ჩვენს ვებგვერდებზე. მოდიფიცირებული პერსონალურ მონაცემთა დაცვის პოლიტიკა ძალაში შედის გვერდზე გამოქვეყნების შემდეგ. თქვენ პერიოდულად უნდა ეწვიოთ ჩვენს ვებგვერდს და ცვლილების შემთხვევაში გაეცნოთ შეცვლილ პოლიტიკას. პოლიტიკაში ცვლილებების შეტანის შემდეგ ჩვენთვის თქვენ მიერ ინფორმაციის მოწოდება ან ჩვენი ვებგვერდებით სარგებლობა ნიშნავს, რომ თქვენ ეთანხმებით ცვლილებებს.

კავშირი ჩვენთან

ჩვენთან დაკავშირება შეგიძლიათ ცხელი ხაზის ნომრებზე 0 322 423 500, 0 322 80 02 02 და ელ. ფოსტაზე [email protected].

პერსონალურ მონაცემთა დაცვის ოფიცერი

შპს „კროკო შოპი"-ს პერსონალურ მონაცემთა დაცვის ოფიცერია სოსო მებონია, ელ. ფოსტა: [email protected].